Inicio:  Vila Termal de Lobios ou A Ponte Nova (Miliarios).

Fin: Ruta da Cabaniña do Curro. (Ruta nº 6)

Itinerario:  4.000 metros, aproximadamente, dende ambos inicios.

Tempo aproximado: 3 horas.

Dificultade:  Alta.

Como chegar: Pola estrada Ou - 312 (no km 6,5) que une a capitalidade de Lobios e o Parque Nacional da Peneda Gerês, chegamos ó pobo de Baños de Riocaldo , xusto antes de entrar na ponte que cruza o Río Caldo, desviámonos á esquerda, en dirección á Vila Termal de Lobios, seguimos esa pista e onde acaba o asfalto, deixamos o coche. Aquí da comezo a ruta, polo antigo trazado da Vía Nova, ou Vía XVIII do itinerario de Antonino, que unía Braga e Astorga. Outra alternativa é, comezar a ruta nos Miliarios, na Ponte Nova, continuar pola ruta romana, ata chegar ó mesmo carreiro.

Interese:  Paisaxístico, xeolóxico e arquitectónico.

Percorrido: A uns 100 metros do comezo da ruta atopamos os restos arqueolóxicos de "Aquis Originis", primeira das “Mansios” existentes en Ourense. As escavacións realizadas en esta “Mansio” sacaron á luz restos de un pequeno edificio con estancias dedicadas a cociña y un espacio termal con sistema de calefacción (hipocausto), xa que o costume dos baños termais estaba moi extendido. 

Continuamos o percorrido polo val do Río Caldo ata cruzar a Corga da Fecha. A uns 50 metros, cruzade o Río Caldo pola ponte que existe á vosa dereita e podedes ver un dos multiples muiños (restaurado), que existen ó longo de todo o río; volvede atrás, retomades a Ruta da Fecha, e pola pista que antes deixarades á esquerda, a uns 100 metros, está o inicio da subida que nos leva ás fermosas pozas e fervenzas da Ruta da Fecha. Xa no fondo da garganta que forma a Corga da Fecha atoparedes unha fermosa poza (ver foto abaixo) e se vos metedes no cauce da corga (con moitísimo cuidado, de non resbalar nas pedras) observades a primeira das fervenzas de esta Ruta. O que vedes é fermoso pero a pesar de que a subida é pronunciada, seguide que o mellor está por ver. A media encosta é cando podemos ver en toda a súa amplitude a impresionante vista de todo o conxunto de fervenzas escalonadas que forman a Corga da Fecha.

Ainda que a vista da Corga é fermosa e a espectacularidade das fervenzas obríganos a admirar o que temos diante dos ollos, tralo necesario descanso, continuade o ascenso xa que ata chegar ó alto da Ruta, bordeando toda a Corga da Fecha, deixamos detrás de nós, a medida que subimos, unhas fermosas panorámicas do Val de Rio Caldo, a Serra de Santa Eufemia e ata incluso a Serra do Quinxo. Tralo dificultoso ascenso, chegamos a un terreno chairo dende onde podemos conectar con outra das rutas do Parque Natural coñecida como da Cabaniña do Curro (ruta nº 6). Como xa dixemos, a dificultade da ruta é alta, pero, a fermosura de todo o que podemos observar ó longo dela para a pena do que se sufre ata chegar ó alto. Como comentario, a título persoal, do autor de esta páxina, é de sinalar, non só a fermosura das imaxes que temos diante de nós senon a diversidade de aromas que desprende a abundante flora que atopamos ó longo da ruta. As fotos foron sacadas o día 1/05/2004, coa Serra do Xurés en pleno esplendor primaveral.