O PARQUE NATURAL É DE TODOS... É TEU. PROTÉXEO E CONSÉRVAO PARA TI E PARA OS DEMAIS.

Ven ó Parque Natural do Xurés, pero non esquezas que estás nun espacio protexido, onde se establecen medidas de protección e conservación do entorno natural.

A natureza é a túa compañeira, respeta a fauna e flora; non captures animais nin arrinques plantas. Lembra que en ambalas dúas existen especies que están reguladas e protexidas pola lexislación vixente.

O que a Natureza fixo en milenios, non o estragues en unhas horas: non prendas fogueiras no campo, apaga as cabichas dos cigarros e non as botes pola ventá do automóbil. Lembra que os incendios forestais son moi perigosos e ocasionan graves perdas ecolóxicas e económicas.

A auga é fonte de vida, e por iso non debes botar desperdicios nin augas de lavado que contaminen gravemente os cursos de auga e fontes. Leva todo o lixo ata o contenedor máis próximo.

Un paseo polo campo pode resultar unha experiencia maravillosa. Respeta o trazado do sendeiro e pistas; non utilices atallos, sobre todo en zonas sensibles á erosión. Os vehículos a motor son para desprazarse polas estradas. Non debes utilizalos nas pistas, rompendo a paz natural destas serras. Deixa o vehículo nas zonas recomendadas.

Goza do aire libre, pero lembra que a acampada libre non está permitida, porque é un dos motivos principais da contaminación e deterioro do medio natural. En todo caso, consulta na sede do Parque e nos concellos que o forman, sobre os lugares de acampada establecidos.

O sendeirismo brindache unha oportunidade de coñecer estas terras e as súas xentes. Respeta á poboación local e as súas propiedades. O contacto co mundo natural e rural é pleno, polo que os sendeiros deben ser lugares privilexiados para achegarse e disfrutar da natureza. Permite que despois do teu paso os camiños e sendeiros continuen en bo estado, evitando que perdan o seu atractivo.

GRACIAS EN NOME DE TODOS


Galería

O Parque Natural Baixa Limia Serra do Xurés ofrécenos unha gran variedade de alternativas para gozarmos do ocio e do contacto coa natureza. A diversión, o descanso e a interpretación dos seus diversos valores é unha constante en calquera das rutas en calquera das rutas que escollamos, tanto se o viaxeiro opta polos percorridos en automóbil como se decide adentrarse percorrendo a pé os seus camiños e sendeiros. As rutas para percorrer a pé polo Parque Natural, divídense en dous grupos en función da súa localización dentro deste espacio protexido:

Rutas de acceso libre: son todas aquelas que o visitante pode realizar libremente, polas vías e camiños existentes.

  1. Ruta da Ermida do Xurés.
  2. Ruta da Mina das Sombras.
  3. Ruta de Padrendo.
  4. Ruta do Río Vilameá.
  5. Ruta da Corga da Fecha.
  6. Ruta da Cabaniña do Curro.
  7. Ruta do Río Mao.

E xa fora do término municipal de Lobios:

  1. Ruta Lantemil - Quintela - Olelas.
  2. Ruta do Río Agro.
  3. Ruta Ecuestre.
  4. Ruta de Queguas.
  5. Ruta de Padín.

Rutas de acceso restrinxido: Estas rutas atravesan zonas de gran valor ecolóxico do Parque Natural onde o acceso está controlado co propósito de coordinar os programas de conservación da biodiversidade deste espacio protexido e o turismo ambiental. Para a realización destes percorridos, por completo ou parte deles é necesario obter autorización previa da Consellería de Medio Ambiente, solicitándoa na Sede do Parque Natural en Lobios, ou no teléfono 988 44 80 48. Son as seguintes:

  1. Ruta de A Cela - Pitoês.

E xa fora do término municipal de Lobios:

  1. Ruta Torrente - Clamadoira - Pitoês.

Galería