O proxecto "Raia Termal", potenciará o turismo baseado na natureza e o termalismo
- O Foro A Rexión, acolleu esta semana, a presentación do proxecto Raia Temal, no que catro concellos da provincia de Ourense, Lobios, Bande, Cortegada e Muíños e os municipios portugueses, Melgaço e Terras do Bouro, se alían co propósito de potenciar o turismo baseado na natureza e o termalismo.
- Dentro do proxecto levarán a cabo distintas iniciativas: labores de adecuación ambiental, novas rutas de sendeirismo e BTT, rehabilitación de piscinas termais, dotación de área para autocaravanas... No caso particular do noso concello, as accións para tomar serán a creación dunha ciclovía termal e un azud desmontable no río Caldo durante a época estival.
- Na súa intervención a nosa alcaldesa, Mari Carmen Yáñez, agradeceu a Deputación e a Confederación Hidrográfica o seu apoio para potenciar o turismo e o termalismo na Baixa Limia e o norte de Portugal, e resaltou que "o individual non ten cabida se queremos ser un destino turístico, cada un ten moito que ofrecer, pero xuntos somos máis fortes e atractivos"