(02.08.2024) Escolas de Empoderamento do Xurés. Inscríbete nas actividades!!

• As Escolas de Empoderamento do Xurés son  espazo de encontro pensado para acoller, informar, axudar e orientar ás mulleres
• Trátase de sesións, a desenvolver en distintas datas, nas que as participantes socializarán e fomentarán as súas habilidades e o coidado da súa saúde, física e mental.

(31.07.2024) Intervención no canle da área termal

• Nas últimas xornadas, viñéronse realizando intervencións de limpeza no canle da área termal de Riocaldo.
  Cantos rodados, area, restos inertes...foron retirados para acondicionamento da zona de baño.
• Estes traballos foron realizados pola Confederación Hidrográfica, tras a petición que realizamos dende o concello, e que permitirán gozar con maior intensidade desta zona de lecer, única.

(03.07.2024) O campo de fútbol de Lobios contará con céspede artificial, co apoio da Deputación de Ourense

• A Deputación de Ourense investirá preto de 2,5 millóns de euros (2.448.949,4€) para cofinanciar proxectos de mellora en seis campos de fútbol da provincia.
• No que atinxe a instalación de céspede artificial no campo de fútbol de Lobios, cun orzamento de 398.002,60 euros, a Deputación achegará 358.202,34 euros e o Concello os 39.800,26 euros restantes.
• Así quedou reflexado no convenio de colaboración asinado esta mesma mañá polo presidente do ente provincial, Luis Menor, e María del Carmen Yáñez, a nosa rexedora.

(17.07.2024) Programa de verán no Concello de Lobios

• O verán en Lobios, é sinónimo de cultura, encontro, deporte, lecer, festa.... cun programa lúdico cheo de actividades para goce de veciños e visitantes.
  Achégate a Lobios!! Quédate en Lobios!

Mellora do camino do Barreal en Lobios

• Ao abeiro da RESOLUCIÓN do 28 de febreiro de 2023 para a concesión das axudas correspondentes ao Plan de mellora de camiños rurais 2023-2024, cofinanciado co Fondo Europeo Agrícola de Desenvolvemento Rural (Feader) no marco do Plan estratéxico da PAC 2023-2027 en Galicia, en réxime de concorrencia non competitiva (código de procedemento MR701E) (DOG, núm 44 do venres, 3 de marzo de 2.023), o concello de Lobios realizou a obra “Mellora do camino do Barreal en Lobios
   
• Esta actuación cun investimento base de licitación de 52.054,20 euros, recibiu unha axuda de 43.020,00 euros e, foi financiada polo Fondo Europeo Agrícola de Desenvolvemento Rural (FEADER), Ministerio de Agricultura, Pesca e Alimentación (MAPA) e a Xunta de Galicia, sendo as porcentaxes de financiamento as seguintes:
  • FEADER (60%): 25.812,00 €
  • MAPA (12%): 5.162,40 €
  • Xunta (28%) 12.045,60 €

(02.07.2024) Descuberto un novo xacemento arqueolóxico en A Cela (Lobios)

• Na parroquia de A Cela, foi achado  un castelo e unha aldea ao seu redor datada nos séculos centrais da Idade Media.
• Un poboado atopado entre outeiros que foi abandonado sen que conste proba documental, aínda que si se recolle na tradición oral.

(29.06.2024) Apertura da Porta de Lobios, Centro de Interpretación da Flora

• A PORTA DE LOBIOS, Centro de Interpretación da Flora do Parque Baixa Limia - Serra do Xurés, abre as súas portas do 1 de xullo ata o 31 de agosto de 2024, de martes a domingo, en horario de mañá e tarde, de 10:30 a 14:00 h e de 17:00 a 20:30 h.
• Porta de Lobios
  Estrada de Portugal, 25 Lobios 
  T. +34 988 44 80 00
  Coordenadas GPS: 41º 54' 14,55'' N - 8º 4' 59,46'' W

(17.06.2024) XVII Encontro de Vilas Termais da FEMP

• Mari Carmen Yáñez, alcaldesa de Lobios, vén de participar no XVII Encontro de Vilas Termais da Federación Española de Municipios e Provincias, que se desenvolveu nos últimos días en Guitiriz.
• Unha convención na que se puideron coñecer importantes aportacións dende distintas perspectivas e responsabilidades, ademais de compromisos de colaboración no desenvolvemento, especialmente,  dos territorios con patrimonio termal.

(14.06.2024) Ludoteca de verán'2024 - Programa de conciliación

• O Concello de Lobios, pon en marcha un ano  máis, a LUDOTECA DE VERÁN, na que poderán participar nenos e nenas de 4 a 14 anos, tendo preferencia os empadroados no concello.
• As solicitudes deberán presentarse no rexistro do concello,  entre o 17 e o 26 de xuño, mediante o  formulario que se achega. SOLICITUDE INSCRICIÓN
• A Ludoteca de Verán, é unha iniciativa máis das que vimos desenvolvendo ao longo do ano, en colaboración coa Consellería de Política Social e Igualdade, da Xunta de Galicia, para facilitar a conciliación laboral, familiar e persoal, das familias do noso municipio.

(03.06.2024) Lobios acollerá a III Convivencia Profesional e Interuniversitaria da Educación Social

• Do 27 ao 29 de setembro de 2024,  Lobios será a sede da III Convivencia Interuniversitaria e Profesional da Educación Social.
   
• Un encontro  que reunirá no noso concello,  a profesionais, alumnado e profesorado de institucións académicas  vinculadas coa Educación Social para dar  visibilidade a esta profesión.

• Ademais das sesións propias do seminario, os asistentes poderán gozar de  actividades ao aire libre, coñecendo a cultura, etnografía e lugares de interese da nosa contorna.

(15.05.2024) Lobios participa no proxecto MIXTURANDO

• Mixturando, é un proxecto apoiado polo  Limia Arnoia GDR 10 , o GDR Terra e Auga  do Condado Paradanta e o asturiano de GDR Camín Real de La Mesa  para xerar novas estratexias de valoración do bosque mixto atlántico en Asturias e Galicia.
• Unha iniciativa que se presentou no día de onte,  coa presenza de Pedro Blanco, delegado do Goberno en Galicia; Luis Menor, presidente da Deputación de Ourense, rexedores dos concellos adheridos, Lobios, Lobeira, Entrimo, Muiños e Covelo da comarca de Paradanta, entre outras personalidades.

(14.05.2024) Tarefas de limpeza de camiños e vías: O Paraño, Pazos, Lobios e San Martiño

• imaxes das últimas tarefas de limpeza de maleza, nas estradas, camiños  e beirarrúas de distintos puntos do noso concello: O Paraño, Pazos, Lobios e San Martiño.
• Estas intervencións, que se veñen realizando en todo o noso termo municipal,  polos compoñentes  do Ges Lobios , axudan a  manter en bo estado a nosa contorna e facilitan a accesibilidade de peóns e vehículos.

(10.05.2024) Ruta do Pozo da Seima

• A ruta do Pozo da Seima, máis accesible tras o proxecto de mellora e sinalización do seu trazado,  é unha fantástica mostra da beleza do noso patrimonio natural e cultural.
• Como colofón a este roteiro, a  fervenza do mesmo nome, que alimentada polas derradeiras chuvias, loce espectacular.

(10.05.2024) Humanización de Fondevila: segunda fase

• Finalizada unha segunda fase de traballos de mellora do firme, recollida de pluviais, actuacións a nivel estético..., no núcleo de Fondevila.
  Unha intervención que dá continuidade á humanización iniciada anteriormente,  que fomos informando.
• Este proxecto súmase a un  proxecto global, de mellora  elementos urbanísticos,  medioambientais e turísticos,  que estamos a  desenvolver Continuarase avanzando neste senso, co obxectivo de intervir nos  72 núcleos do noso municipio.

(09.05.2024) Concello de Lobios e Xunta de Galicia, avanzan en materia de prevención de incendios

• A alcaldesa de Lobios, María del Carmen Yáñez reuniuse coa conselleira do Medio Rural da Xunta de Galicia , María José Gómez,  para afondar na colaboración  en materia de prevención de incendios forestais.
• Nesta xuntanza, trataron cuestións  relacionadas coa negociación da cesión de espazos e terreos por parte do noso concello,  para construír unha Base de Unidade Operativa para a loita contra os incendios en Lobios, e exercer como punto de encontro do persoal das brigadas forestais, co fin de que poidan conciliar traballo e descanso.