(22.04.2024) Ourense Strade Termal, éxito de participación y visitantes.

• A rexedora de Lobios, Mari Carmen Yáñez, acompañada presidente  do Inorde, Rosendo Fernández, deu a saída onte, á VII edición da Ourense Strade Termal, que partiu dende o balneario Lobios Caldaria.

(19.04.2024) Celebrando a Pascua no Virxe do Xurés

• A residencia de maiores Virxe do Xurés celebrou a Pascua.
  O día comezou cunha misa, tras a cal se entregaron, da man da nosa rexedora e da responsable da biblioteca municipal, agasallos para todos os participantes nos concursos de Nadal das súas categorías e , premios especiais para os para os gañadores e gañadoras
  Tras elo, foi a hora de compartir un xantar especial.

(18.04.2024) Presentación da "Strade Termal 2024"

• Onte, presentouse a VII Edición da Ourense Strade Termal que se celebrará o vindeiro domingo, 21 de abril, co apoio da Deputación de Ourense a través do Inorde e da Axencia de Turismo de Galicia, reunindo a preto de 400 deportistas de 19 provincias diferentes para gozar do "sterrato" nesta proba única na provincia de Ourense.

LLEGA700

• Llega700 é a entidade xestora que se encargará de solucionar as afectacións que sucedan na recepción de TDT (televisión) motivada polas emisións da tecnoloxía 4G e 5G.

Novo sendeiro accesible en Riocaldo

• A ruta da área termal de Riocaldo, vén de ser obxecto de mellora no tocante ao pavimento, á instalación de mesas e bancos, á adaptación de pasarelas e varandas e á eliminación de  barreiras arquitectónicas  para facilitar o seu uso ás persoas con diversidade funcional.  Nunha nova fase, terase en conta tamén, o acondicionamento da  zona de estacionamento de vehículos e a sinalización.
• Esta intervención,  englóbase dentro dun proxecto de mellora da accesibilidade, que conta co financiamento da  Xunta de Galicia, e atinxe a territorio do Parque, a  caminos históricos como a Vía Nova ou Camiño de San Rosendo e a 12 roteiros, de diferente lonxitude e dificultade, do Parque Natural Baixa Limia-Serra do Xurés.

(20.03.2024) Tarefas de limpeza en distintos puntos do concello

• Continuamos con  tarefas de limpeza de maleza, nas estradas, camiños  e beirarrúas de distintos puntos do noso concello (entrada a Lobios, zona das piscinas, Pazos, Paraño…)
• Estas intervencións, realizadas polos servizos municipais do Ges Lobios, axudan a  manter en bo estado a nosa contorna e facilitan a accesibilidade de peóns e vehículos.

(20.03.2024) Novo vehículo para o GES de Lobios

•  O vicepresidente primeiro e conselleiro de Presidencia, Xustiza e Deportes en funcións, Diego Calvo, fixo entrega hoxe, ao Grupo de Emerxencias Supramunicipais Ges Lobios, dun  novo furgón todoterreo 4x2 de servizos varios, que será de utilidade en primeiras saídas en intervencións, sobre todo en zonas de difícil acceso, e na extinción de pequenos incendios.
• Un vehículo que ademais  vai equipado con material de sinalización e emerxencias e cun kit de material de rescate en altura.

(19.03.2024) Nova área de servizo para autocaravanas

• No concello de Lobios, concretamente en Riocaldo, contaremos, a partir da próxima semana, cunha nova área de servizo para autocaravanas.
• Un proxecto acollido ao  Plan de Sustentabilidade Turística en Ourense Termal da Deputación de Ourense,  que contará con 15 prazas para este tipo de vehículos, e que segundo a nosa rexedora, Mari Carmen Yáñez "trátase dun servizo máis, que se pon a disposición dos autocaravanistas, tratando de que todas aquelas persoas que nos visitan dispoñan de un espazo propio, adaptado as súas necesidades, para que poidan desfrutar de tódolos recursos que ofrece o noso concello: termalismo, natureza…”.

(13.03.2024) Obradoiros infantís de Semana Santa

•   No Concello de Lobios, poñemos en marcha, no período vacacional de Semana Santa, uns obradoiros no que poderán participar nenos e nenas de 4 a 12 anos, empadroados no concello.
• As solicitudes, deberán presentarse no rexistro do concello ata o 22 de marzo, mediante este formulario.
• As prazas son limitadas e asignaranse por orde de inscrición.
• Estes obradoiros, son unha iniciativa máis das que vimos desenvolvendo ao longo do ano, en colaboración coa Consellería de Promoción, Emprego e Igualdade, da Xunta de Galicia , para facilitar a conciliación laboral, familiar e persoal, das familias do noso municipio.

(12.03.2024) Amigos da Cociña Galega, en Lobios

• Amigos da Cociña Galega, entidade que promove e preserva o patrimonio da nosa gastronomía, elixiu Lobios para celebrar a súa asemblea anual.
• Un evento que contou coa presenza do  presidente do Inorde, Rosendo Luis Fernandez Fernandez, e a presidenta da Confederación Empresarial de Ourense, Mari Sol Nóvoa, entre outros. O concelleiro Jesús Rodríguez, asistiu en representación do Concello de Lobios.

(08.03.2024) Día Internacional da Muller

• Unha  conmemoración que se celebra o 8 de marzo e que en Lobios, temos presente cada día do ano, para continuar fomentando a participación das mulleres en todos os ámbitos da sociedade.

(05.03.2024) Humanización de Fondevila

• Rematada a primeira fase  de humanización no núcleo de Fondevila, mellorando a estética e a súa accesibilidade.
• Este proxecto súmase a un  proxecto global, de mellora  elementos urbanísticos,  medioambientais e turísticos,  que estamos a  desenvolver en distintas fases e en distintas localidades do noso municipio.

(01.03.2024) CEIP do Xurés, prazo de matricula aberto

• Do 1 ao 20 de marzo, estará aberto o prazo de matrícula para o curso 2024-2025, do CEIP Plurilingüe do Xurés.
• Visita a súa web e o seu vídeo de presentación cos que dan á benvida e amosan as súas instalacións e servizos. https://www.edu.xunta.gal/centros/ceipdoxures/

• Realizadas tarefas de limpeza na estrada e beirarrúas na localidade de Riocaldo.
  Unha intervención  máis que se suma ás que vimos realizando dende o concello,  co obxecto  de manter en bo estado a nosa contorna e facilitar a accesibilidade de peóns e vehículos.

(24.02.2024) Mantemento na contorna das piscinas e do pavillón polideportivo

• Os alumnos-traballadores do Obradoiro de Emprego, realizaron nas últimas xornadas, traballos de sega, limpeza e  mantemento xeral na contorna das piscinas e pavillón polideportivo.
• No Obradoiro de Emprego, aprenden as técnicas da profesión que tamén  poñen en práctica, desenvolvendo distintos proxectos  de rehabilitación e mantemento do patrimonio dos concellos participantes.