(06.07.2020) Axudas para autónomos e para o emprendemento feminino.
- Publicadas no DOG nº 133 do 06.07.2020
Noticias
Plan de Seguridade dirixido á actividade comercial en establecemento físico e non sedentario e guías de seguridade no sector turístico
- elaborado polo Ministerio de Sanidade no que se inclúe unha guía de boas prácticas para os establecementos do sector comercial e hostaleiro e sector turístico.
(08.05.2020) Suspensión dos mercados ao aire libre
- Dado que hoxe venres aínda non hai unha claridade entre a normativa estatal e autonómica sobre os criterios e protocolos a seguir nos mercados de produtos agropecuarios, e sendo o domingo a feira, non hai tempo suficiente para adoptar as medidas que garantan a saúde dos nosos cidadáns, polo que a feira mensual queda suspendida.
- Confiamos que para a feira do mes que ven, teñamos claro as actuacións e criterios a seguir por parte das autoridades sanitarias, para así, poder celebrala.
- Sabemos que todos, veciños e comerciantes, saberán entender esta medida, pois a máxima preocupación deste concello é poder garantir a súa saúde .
(23.04.2020) Test para probas do Coronavirus entre a nosa poboación
- Durante os días de hoxe, mañá venres e o próximo luns, (días 23, 24 e 27 de abril), realizaranse test selectivos a unha listaxe concreta de persoas, enviados pola Consellería de Sanidade da Xunta de Galicia, para comprobar se existen contaxios de Coronavirus entre a nosa poboación.
- Estas probas son realizadas por personal sanitario do noso concello coa colaboración da Garda Civil e o GES de Lobios. Agradecemos a todos eles a súa implicación e bo facer.
(16.03.2020) AVISO RESPECTO DA ESTACIÓN MÓBIL DA INSPECCIÓN TÉCNICA DE VEHÍCULOS.
- O servizo de ITV previsto para hoxe e mañá, días 16 e 17 de marzo, funcionará con normalidade.
- O persoal de servizo manterá o protocolo de seguridade indicado polas autoridades para minimizar os riscos de propagación do Coronavirus. Prégase aos usuarios que tamén apliquen todas as medidas comunicadas.
(14.03.2020) Comunicado respecto ao servizo de AXUDA NO FOGAR
- Ante a situación actual provocada polo #Coronavirus poñemos en coñecemento que o Servizo de Axuda no Fogar do Concello de Lobios, como prestación básica e imprescindible que é, continúa en activo.
- Non podemos abandonar nestes delicados momentos ás persoas que máis nos precisan.
(23.01.2020) Servizo de transporte público de viaxeiros
- As fichas cos calendarios e itinerarios do servizo de transporte de viaxeiros de Lobios, incluídos dentro do Plan de Transporte Público de Galicia, tanto das liñas regulares como as paradas baixo demanda, están dispoñibles nesta ligazón.
- Lembrar que para facer uso do servizo de paradas baixo demanda, o usuario deberá chamar, o día anterior entre as 8:00 e as 19:00 h. en días laborais, ao teléfono 988 68 78 00.
(22.01.2020) Lobios terá presenza en FiTUR
- Como integrante do recén creado xeodestino Terra de Celanova-Serra do Xurés, Lobios estará presente en FITUR, (feira anual para os profesionais do turismo), que terá lugar en Madrid, os días 25 e 26 de este mes de xaneiro.
- Este novo xeodestino Terra de Celanova-Serra do Xurés, é unha aposta da Dirección Xeral de Turismo da Xunta de Galicia, a Deputación de Ourense e os catorce concellos participantes. Este proxecto persegue promover o turismo mostrando o rico patrimonio histórico, artístico, cultural, etnográfico, termal.... do noso territorio.
(02.01.2020) Acondicionamento do camiño de Vilameá
- Rematadas as obras de acondicionamento no camiño da localidade de Vilameá, que ademais da estética, melloran considerablemente a accesibilidade e o tránsito dos seus veciños.
(31.12.2019) Licitada a redacción do proxecto de mellora da estrada OU-540
- No penúltimo día do ano, contamos en Lobios coa presenza da conselleira de Infraestruturas e Mobilidade, Ethel Vázquez, e co director da Axencia Galega de Infraestruturas, Francisco Menéndez, cos que os alcaldes de Bande, Entrimo, Lobeira, Muíños e a nosa alcaldesa, tiveron un encontro para abordar a planificación do proxecto da rehabilitación da estrada que nos une con Portugal.
- A licitación contemplará a intervención en novos treitos de adiantamento así como rectificación de curvas, o que permitirá unha mellora cualitativa no tránsito por esta estrada.
(18.12.2019) Acondicionamento da estrada OU-540
- Antes de que remate este ano 2019, a Xunta de Galicia licitará a redacción do proxecto de acondicionamento da estrada entre Celanova e a fronteira portuguesa.
- Esta foi a intención que o o presidente, Núñez Feijóo, trasladoulle a nosa alcaldesa María del Carmen Yáñez e ao alcalde de Bande, José Antonio Armada, o alcalde de Lobeira, Antonio Iglesias; e o alcalde de Muíños, Plácido Álvarez, no encontro que mantiveron onte en Santiago de Compostela
(10.12.2019) "Semente de vida"
- Dentro do programa desenvolto no noso municipio, para a erradicación da violencia de xénero, levouse a cabo esta actividade, que consistiu na plantación de especies autóctonas do noso parque natural, facendo unha analoxía de "sementar vida" e rematar coa lacra dos ataques machistas.
- O grupo implicado foi multixeracional, contando coa participación de escolares e docentes do CEIP do Xurés, persoal do Parque Natural e do noso concello
(09.12.2019) O GES de Lobios recibe un camión bomba
- Coa finalidade de reforzar a atención das emerxencias na zona transfronteiriza e mellorar a calidade do servizo que reciben os cidadáns a ambos lados da fronteira, Alfonso Rueda, Vicepresidente da Xunta de Galicia, acompañado da delegada da Xunta en Ourense, Marisol Díaz Mouteira, recibidos pola nosa alcaldesa, Mari Carmen Yáñez, fixo entrega dun camión bomba ao Grupo de Emerxencias Supramunicipais do noso concello.
- O vehículo está equipado cun depósito de 2.000 lts. e todo o material necesario para facer unha primeira intervención en caso de lume.
(25.11.2019) Lobios presente no proxecto Shelter
- O proxecto de investigación europeo Shelter ten como principal obxectivo minimizar a vulnerabilidade do patrimonio cultural e natural ante calquera tipo de ameaza relacionada co clima e os riscos naturais.
- Hoxe, a nosa alcaldesa, participou nun taller englobado dentro deste proxecto, realizado en Santiago de Compostela, co obxectivo de reducir a vulnerabilidade e promover unha reconstrución mellor e máis segura nas áreas históricas.
(21.11.2019) Programa "XUNTOS POLO NADAL"
- A Consellería de Política Social, a través da Dirección Xeral de Maiores e Persoas con Discapacidade organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.
- Este programa levarase a cabo entre o día 23 de decembro de 2019 e o día 7 de xaneiro de 2020 e comprende os servizos de estancia na residencia, pensión completa e desprazamento