Lobios sede do Congreso Internacional RAIA TERMAL
Lobios sede do Congreso Internacional RAIA TERMAL
- Os 17 e 18 de setembro, serán as datas de celebración do Congreso Internacional RAIA TERMAL “Termalismo 2021-2027: dinamización dos territorios e reto demográfico”
- O Hotel Balneario de Lobios será a sede principal deste evento, no que se desenvolverán distintas actividades, debates e relatorios sobre o papel dos balnearios no desenvolvemento económico das poboacións onde se sitúan.
O Congreso Internacional “Termalismo 2021-2027: dinamización dos territorios e reto demográfico”, que se celebrará no noso concello os días 17 e 18 de setembro, enmárcase dentro do proxecto "RAIA TERMAL un destino dous países", no que o noso concello participa activamente.
A temática principal sobre a que xirará este evento, será o papel dos balnearios no desenvolvemento social e económico contribuíndo a xerar emprego e conseguintemente, fixar poboación en territorios cunhas especiais características de, grupos poboacionais reducidos, dispersión xeográfica, baixa natalidade, entre outras.
Recibirase a representantes de 17 países: Alemania, Argentina, Brasil, Chile, Colombia, Costa Rica, Croacia, Ecuador, Emiratos Árabes, España, Francia, Italia, México, Panamá, Portugal, Reino Unido, , e Tailandia.