A Xunta de Galicia e o Concello de Lobios unen forzas contra os incendios forestais.
- Mari Carmen Yáñez, a nosa rexedora, foi recibida esta mañá en San Caetano, Xunta de Galicia , polo conselleiro do Medio Rural, José González e o director xeral de Defensa do Monte, Manuel Rodríguez.
- Durante a reunión, acordouse fortalecer a colaboración institucional entre a Xunta e o Concello no que respecta á prevención e defensa contra incendios forestais. Neste sentido, intensificarase a cooperación para mellorar as infraestruturas e camiños nos montes do municipio, co obxectivo de facilitar a mobilidade dos medios contra incendios tanto para tarefas preventivas como, en caso necesario, para a extinción .
- Ademais, estanse a considerarse diversas alternativas para mellorar as infraestruturas destinadas ao persoal da Xunta que traballa nestes labores dentro do termo municipal.