Actuación de rehabilitación de tres lavadoiros nas aldeas de Pazos, Cimadevila e Grou, no concello de Lobios (Ourense).

• Ao abeiro da Orde do 21 de decembro de 2021 pola que se establecen as bases reguladoras e a convocatoria para o ano 2022 das axudas a investimentos non produtivos vinculadas á realización de obxectivos agroambientais e climáticos no ámbito dos parques naturais de Galicia, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020 (DOG nº 8 do 13 de xaneiro de 2022), o concello de Lobios realizou a obra de “Rehabilitación de tres lavadoiros, no concello de Lobios (Ourense)”. Estas actuacións realizáronse nos pobos de Cimadevila e Pazos en Lobios e no Cruceiro de Grou.

(20.03.2023) Intervención en A CELA
 

• Imaxes das recentemente realizadas, obras de humanización e mellora da accesibilidade no núcleo de A CELA.
• Unha actuación que pon en valor e potencia os recursos desta senlleira localidade, especialmente recoñecida polos bolos graníticos integrados nas propias construcións da aldea.
• Esta intervención forma parte dun proxecto integral, que afecta a elementos urbanisticos,  ademais de medioambientais e turísticos, a desenvolver en distintas fases.

(06.03.2023) Paneis informativos

• Nas distintas parroquias do noso concello, instaláronse paneis informativos, para que servan de soporte á  bandos, avisos e cartelería  que poida ser de interese para os veciños.
• Un lugar onde ter concentrada a información, aunando a estética e funcionalidade.

(01.03.2023) Inaugurada a CASA do MAIOR de Lobios

• Lobios conta xa cunha CASA do MAIOR, ubicada na Finca Tejada, na capitalidade do municipio, destinada a persoas maiores de 60 anos, sen dependencia ou en situación de dependencia de grao I e II.

• A CASA do MAIOR de Lobios, ofrece unha atención diurna integral na que prima o acompañamento dos usuarios, ademais de realizar actividades de envellecemento activo, adestramento cognitivo, coidado persoal, entre outras.

(14.02.2023) Novas liñas de colaboración coa Deputación de Ourense

• Entre os novos proxectos de colaboración coa Deputación de Ourense están a dotación de céspede artificial e unha nova bancada no campo de fútbol de Lobios.
• A maiores, no último encontro que mantivo a nosa rexedora co presidente do organismo provincial, Manuel Baltar,  trasladou o compromiso de colaborar na renovación de infraestruturas viarias, coa redacción do proxecto de mellora do último tramo da estrada OU-1206 (Lobios-A Vila), ademais do acondicionamento de camiños municipais.

(27.12.2022) O roteiro da Corga da Fecha, máis accesible. 

• Un tramo do sendeiro cara a Corga da Fecha adaptarase para facelo máis accesible a persoas con diversidade funcional e que así podan gozar da beleza deste singular paraxe do Xurés,
  A intervención,  prevista para o próximo ano pola Consellería de Medio Ambiente da Xunta de Galicia , consistirá en realizar 'as  modificacións necesarias para converter o sendeiro existente nun itinerario accesible que garanta o uso e a circulación non discriminatoria, de forma autónoma e nas mellores condicións de comodidade e seguridade posibles'.
• Na imaxe, a conselleira de Medio Ambiente, Territorio e Vivenda, Ángeles Vázquez, e a nosa alcaldesa, Mari Carmen Yáñez, no encontro que tiveron hai uns meses para abordar os  proxectos de mellora dos equipamentos e a conservación do patrimonio.

(16.12.2022) Xornadas para dar a coñecer o traballo da administración no desenvolvemento local

• Mari Carmen Yáñez, alcaldesa de Lobios, acudiu no Balneario de Cortegada, xunto con representantes doutros seis concellos da provincia e de empresas privadas á primeira sesión dun ciclo de xornadas  organizadas pola Deputación de Ourense, para abordar a contribución do termalismo ás economías locais e a  mobilidade en territorios rurais e maila conexión destas zonas co AVE

(16.10.2022)  Constitución do Grupo Europeo de Cooperación Territorial (AECT)

• O Concello de Lobios, representado pola nosa rexedora, Mari Carmen Yáñez, estivo presente no Acto público de sinatura da Declaración Conxunta para a Constitución do Grupo Europeo de Cooperación Territorial (AECT) no contexto da “Raia Seca” e da Reserva Mundial da Biosfera Gerês-Xurés, que se levou a cabo o pasado mércores, na Câmara Municipal de Arcos de Valdevez (Portugal).

(14.12.2022) Programa de conciliación familiar en Nadal

• No Concello de Lobios, poñemos en marcha un programa de conciliación familiar durante as vacacións escolares de Nadal.
• Será durante os días 23, 26, 27, 28, 29 e 30 de decembro e os días 2, 3, 4, e 5 de xaneiro, en horário de 9:00 a 14:00 h.

(14.12.2022) Programa de Nadal

• Programa de Nadal de Lobios, que contará con actividades de lecer para achegar a ilusión e ledicia, a todos os nosos veciños e veciñas.

(14.11.2022) Actividades de CONCILIACIÓN

• Dende o Concello de Lobios, poñemos en marcha unha serie de actividades para colaborar na  conciliación familiar. Estas levaranse a cabo  no CEIP do Xurés e serán as seguintes:
  ▪️Aula de MADRUGADORES 
  ▪️Aula de TARDE

(02.11.2022) Actividade formativa: USO DO CAIXEIRO AUTOMÁTICO

• O venres, 11 de novembro, de 11:00 a 13:00 h, teremos, no Edificio Multiusos de Lobios unha actividade formativa sobre  como realizar as operacións máis habituais no caixeiro automático bancario.
• Actividade enmarcada no Programa de Educación Financeira de ABANCA.
   

(02.11.2022) Formación Competencias Clave e Atención Sociosanitaria

• Dende o concello de Lobios informamos que nas vindeiras semanas realizaremos actividades formativas para a realización das competencias claves en língua castelá, matemáticas e galego.
   
• Tamén temos previsto realizar, no primeiro semestre do ano 2.023, o curso AFD de Atención sociosanitaria a persoas dependentes en institucións sociais.

(01.09.2022) Unidos para solicitar o enlace da IC28 entre Arcos de Caldevez/Ponte da Barca coa fronteira da Madalena e Celanova

• Os rexedores e rexedoras dos municipios ourensáns e portugueses do eixe tranfronteirizo que cruza o Gerês-Xurés, dende Arcos de Valdevez/Ponte da Barca (IC-28) ata a AG-31, en Celanova, asinaron onte un escrito de petición para reivindicar a mellora da estrada, aos gobernos de España e Portugal.
   
• Unha reivindicación que en palabras da nosa alcaldesa, Mari Carmen Yáñez, "e un investimento xusto para un territorio ao que non se lle mirou con agarimo por parta dalgunhas administracións, e que conta con respaldo social e empresarial"

(09.08.2022) Lobios dentro do Plan de Sustentabilidade Turística en Destino "Ourense Termal"

• Este programa, que está conformado por 16 municipios termais, dos cales 15 son  municipios termais rurais, entre eles Lobios, apóiase en cinco eixos:  gobernanza colaborativa e intelixencia turística; crecemento sostible; transformación competitiva, e márketing turístico.
   
• Un Plan que conta coa intervención do  Goberno central e autonómico, co impulso da  Deputación de Ourense, para seguir avanzando no termalismo e no seu potencial turístico.