(02.12.2021) Lobios adopta o proxecto europeo PACES: Pacto das Alcaldías polo Clima e a Enerxía

• O PACES é o maior movemento mundial das cidades pola acción local respecto ao clima e a enerxía, que persegue o obxectivo de frear o cambio climático. 
• Os Asinantes do Pacto comparten unha visión común para 2050: acelerar a  descarbonización dos seus territorios, fortalecer a súa capacidade para adaptarse aos impactos ineludibles do cambio climático e conseguir que os seus cidadáns gocen de acceso a unha enerxía segura, sostible e alcanzable.

(01.12.2021) Información pública  Plan reitor de uso e xestión do Parque Natural Baixa Limia-Serra do Xurés.
 

• Achegamos ANUNCIO do 29 de novembro de 2021, da Secretaría Xeral Técnica da Consellería de Medio Ambiente, Territorio e Vivenda, polo que se acorda someter ao procedemento de información pública o proxecto de decreto polo que se modifica o Decreto 64/2009, do 19 de febreiro, polo que se aproba o Plan de ordenación dos recursos naturais do Parque Natural Baixa Limia-Serra do Xurés, e polo que se aproba o Plan reitor de uso e xestión do Parque Natural Baixa Limia-Serra do Xurés.

(25.11.2021) Exposición do fotógrafo Tomas Oliveira de Ponte da Barca

• A Biblioteca Municipal de Lobios, recibe a exposición do fotógrafo Tomas Oliveira, veciño de Ponte da Barca.
• A inauguración contou coa presenza do artista, así coma con Jose Alfredo Oliveira, concelleiro da súa localidade, quen foron recibidos pola nosa rexedora, Mari Carmen Yáñez.
• As visitas pódense realizar de luns a venres, de 10:00 a 14:00 h.
• Esta exposición está enmarcada dentro do proxecto "JXuventude, o futuro que nos une", que pretende a colaboración entre o concello de Lobios e  o de  Ponte da Barca, que contempla diferentes actividades para coñecernos   máis en  profundidade.

(24.11.2021) Adecuación de ETAP e de instalación de bombeo en alta e en baixa no concello de Lobios 
 

• Ao abeiro da RESOLUCIÓN do 12 de marzo de 2021 pola que se aproban as bases reguladoras para a concesión de subvencións aos concellos, en réxime de concorrencia competitiva, destinadas á execución de obras de abastecemento, saneamento e depuración, financiadas no marco do eixe REACT-UE do programa operativo Feder Galicia 2014-2020, e se convocan para o ano 2021 (código de procedemento AU300A)(DOG, núm 56 do mércores, 24 de marzo de 2.021), o concello de Lobios realizou a obra de “Adecuación de ETAP e de instalación de bombeo en alta e en baixa no concello de Lobios”

Esta actuación cun investimento aprobado de 51.630,24 euros recibiu unha axuda de 50.000,00 euros e, foi financiada no marco do eixe REACT-UE do programa operativo Feder Galicia 2014-2020.

SAMAÍN en Lobios

• O Lobisome, as Meigas, o Home do Saco, a Santa Compaña..... eles e outros personaxes mitolóxicos visitarán o noso concello para celebrar o Samaín.
• Faranse dous grupos  (de 5 a 11 anos e de 12 a 16 anos), con distintas actividades axeitadas a súa idade.
  No grupo dos cativos (5 a 11 anos) deberán traer una cabaza e unha candea (vela) para facer a actividade.
  Prazas limitadas. Acudir con máscara 
  Inscrición previa no tfno.: 988448000 (María), antes do 29 de outubro.  
  Goza do Samaín no Concello de Lobios!!

(08.10.2021) Acondicionamento de caminos de servizo.

• A Axencia Galega de Infraestruturas da Xunta de Galicia deu inicio aos traballos de acondicionamento e mellora  de vías de  servizo da estrada comarcal OU312, ao seu paso polo noso concello.

(08.10.2021) Intervencións no Aquis Originis

• Iniciados os traballos de escavación e consolidación de restos arqueolóxicos no xacemento romano Aquis Originis.
• A Consellería de Cultura da Xunta de Galicia atende así as solicitudes plantexadas en distintos encontros mantidos coa nosa alcaldesa, Mari Carmen Yáñez. 
• Esta intervención permitirá sacar á luz vestixios romanos ocultos ata o de agora e  axudarán a poñer en valor esta zona de gran interese histórico,  cultural e turístico.

(30.09.2021) Acto de clausura do Obradoiro Dual de Emprego "Vía Nova I"

• O obradoiro de emprego "Vía Nova I"  realizouse nos últimos meses conxuntamente nos concellos de Lobios, Lobeira e Bande,.
   
• Esta formación dúal permitiu  aos alumnos/traballadores participantes adquirir coñecementos e habilidades en xardinería e recuperación de espazos degradados, que redundará en ampliar as súas posibilidades de consolidación  laboral.
   
• No día de onte, procedeuse á clausura cun acto que contou coa participación de representantes dos concellos participantes, Iago Borrajo, xefe territorial da Consellería de Emprego e Igualdade e os propios alumnos que puideron recoller a  súa acreditación de ter realizado este obradoiro.

(24.09.2021) Mellora de sendas peonís do Concello de Lobios

• Ao abeiro da Orde do 19 de xaneiro de 2021 pola que se establecen as bases reguladoras e a convocatoria para o ano 2021 das axudas para estudos e investimentos vinculados á conservación, recuperación e rehabilitación do patrimonio natural e cultural e á sensibilización ecolóxica na Rede de reservas da biosfera de Galicia, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020 (código de procedemento MT724A) (DOG nº 24 do 5 de febreiro de 2021), o concello de Lobios realizou a obra de “Mellora de sendas peonís do concello de Lobios”

(21.09.2021)  CURSO:  ATENCION SOCIOSANITARIA A PERSOAS DEPENDENTES EN INSTITUCIÓNS SOCIAIS

• O día 2 de novembro, en Lobios, darase inicio ao curso de capacitación para Atención Sociosanitaria a Persoas Dependentes en Institucións Sociais.
• Son requisitos para poder realizar este curso, dispoñer da ESO ou Certificado de Competencias Nivel 2, e estar en situación de desemprego.
• As persoas interesadas poderán inscribirse nas oficinas municipais da Casa Consistorial de Lobios . (Tfno. 988448000)

(14.09.2021) Colaboración coa Xunta de Galicia para poñer en valor o Parque Natural Serra do Xurés
 

• A Consellería de Medio Ambiente, Territorio e Vivenda da Xunta de Galicia colaborará co noso concello para levar a cabo accións que poñan en valor o Parque Natural Baixa Limia Serra Do Xurés ao seu paso por Lobios.

(26.07.2021) Verán lúdico e cultural en Lobios

• Música, circo, teatro, cinema, feira de artesanía, exposicións, excursións, festa infantil..... un verán en  Lobios repleto de actividades lúdicas e culturais.  

(13.07.2021) Actividades das Escolas de Empoderamento de Lobios

• As Escolas de Empoderamento de Lobios, co obxecto de fomentar o coidado da saúde do corpo e da mente, ofertan as seguintes actividades para este verán:
  • Obradoiro de Actividade Física na Auga (xullo e agosto)
  • Obradoiro de Ioga ao Aire Libre (xullo e agosto)
  • Obradoiro de Inglés para sobrevivir no día a día (martes de agosto e setembro, de 18:00  a 19:30 h., na Biblioteca Municipal)
  • Obradoiro de Alfabetización Dixital (martes de setembro, de 16:30 a 17:30 na Biblioteca Municipal)
  • Elaboración de Xabóns (xoves, días 16 e 23 de setembro, ás 20:00 h. no Espazo Multiusos)
  • Actividade física e defensa persoal para mulleres (venres, 17 e 24 de setembro, ás 20:00 h, no Pavillón Municipal de Deportes)
  • Obradoiros de Autoestima. (Días 6 e 7 de outubro, de 18:30 a 19:30 h., no Espazo Multiusos)

(25.06.2021) Programa de conciliación de verán "Ti e mais eu xogamos ao mesmo"
 

• O 29 de xuño, martes, abre o prazo para solicitar o programa de conciliación de verán "Ti máis eu xogamos ao mesmo", con actividades lúdicas, de natureza, de reciclaxe, de promoción da igualdade, de inglés...
• O programa iniciarase o día 5 de xullo ata o mes de setembro de 2021.

(22.06.2021) Plan REACTIVA MULLERES OURENSE 

• Programa financiado pola Deputación Provincial de Ourense co obxectivo fundamental do programa é apoiar a mulleres desempregadas que necesiten reincorporarse ao mercado laboral.
• Levaranse a cabo actividades que doten ás participantes de habilidades, coñecementos e ferramentas, tanto a nivel laboral como persoal e social que lle permitan acercarse ás empresas con confianza, tranquilidade,  autonomía e independencia na busca activa de emprego e desenvolverse mellor nun posto de traballo nun entorno competitivo.