• (19.06.2023) Fin de curso 2022/2023-Programa de conciliación
  Os alumnos inscritos no programa de conciliación, promovido polo Concello de Lobios, celebraron o remate do curso 2022/2023. Unha festa na que non faltaron viandas varias e divertidas actividades, para dicirse un "ata logo" e desexarse bo verán.

   

(16.06.2023) En agosto, visitas teatralizadas en Lobios

• As visitas teatralizadas son unha proposta da Asociación Platea Lúa que conta  co patrocinio da Deputación de Ourense,  para divulgar, dun xeito xenlleiro, lugares  de interese turístico da nosa provincia,
• Visitantes, turistas e veciños, poderán asistir a 25 visitas teatralizadas, que están calendarizadas para os meses verán.
• O día 11 de agosto será a quenda de Lobios, onde haberá a oportunidade de coñecer ou profundizar sobre o noso patrimonio cultural e turístico.

(16.06.2023)  "Coidados porta a porta", de novo en Lobios

• A Consellería de Política Social da Xunta de Galicia continúa co programa COIDADOS PORTA A PORTA, que percorre todos os concellos de Galicia para ofrecer consultas de audioloxía, podoloxía e estimulación da memoria.
• Os días 13, 14, 17 e 18 de xullo de 2023, o servizo COIDADOS PORTA A PORTA  estarán de novo no noso concello, no estacionamento da entrada de Lobios. E o día 12 de xullo, haberá unha charla sobre os COIDADOS DO OÍDO, no edificio multiusos de Lobios.
• Para a prestación deste servizo, é preciso  solicitar cita previa no teléfono 622 748 283 ou no correo electrónico coidadosportaaporta.politicasocial@xunta.gal.
  
  
  ​Ver Tríptico informativo do Servizo Porta a Porta

(16.06.2023) Ludoteca de verán de LOBIOS - programa de conciliación

• O Concello de Lobios, pon en marcha un ano  máis, a LUDOTECA DE VERÁN "Ti máis eu xogamos ao mesmo", na que poderán participar nenos e nenas de 4 a 14 anos, empadroados no concello.
• As solicitudes deberán presentarse no rexistro do concello,  entre o 20 e o 28 de xuño, mediante o  formulario que se achega. SOLICITUDE INSCRICIÓN

• A Ludoteca de Verán, é unha iniciativa máis das que vimos desenvolvendo ao longo do ano, en colaboración coa Consellería de Promoción, Emprego e Igualdade, da Xunta de Galicia, para facilitar a conciliación laboral, familiar e persoal, das familias do noso municipio.

(12.06.2023) Senda Bubaces-Torneiros, rematada a segunda fase.

• A senda peonil Bubaces-Torneiros, vén de incrementar o seu trazado, tras o remate das obras da segunda fase de habilitación.
• Unha aposta máis deste concello, que xunto coa Axencia Galega de Infraestruturas, incide na seguridade das comunicacións entre os núcleos do concello, especialmente nunha área de gran interese turístico pola súa oferta termal.
• Este enlace peonil, invitará tanto a veciños como a visitantes, a gozar da nosa contorna dun xeito seguro e saudable.

(03.04.2023) Compostela, máis accesible.

• Compostela vén de ser remozado cunha obra que mellora a accesibilidade, a recollida de augas pluviais  e a estética do seu núcleo, utilizando materiais en liña coa contorna.
• Unha intervención que dá continuidade ao  proxecto que está a desenvolver  este concello,  para embelecer  e humanizar os nosos pobos, mantendo o equilibrio entre a modernización e a súa conservación.

(31.05.2023) Programa pioneiro para facilitar a declaración da renda a maiores de 65

• O Concello de Lobios e a Axencia Tributaria acordan un convenio para facilitar a presentación da declaración da renda de persoas maiores de 65 anos, por vídeo-asistencia.
• Unha xestión que se facilitará aos veciños, dende as oficinas municipais,  para o cumprimento deste trámite anual, que se lles tornaba difícil ou cando menos  incómodo,  ben por condicionantes de idade ou por dificultades de desprazamento -ata o momento tiñan que acudir á sede da Axencia Tributaria en Celanova-.

(18.04.2023) Seleccións de Persoal e Provisións de Postos 

• Resolución de aprobación provisional de admitidos e excluídos, en conformidade co establecido no artigo 20 do Regulamento Xeral de Ingreso do Persoal ao Servizo da Administración Xeral do Estado e de Provisión de Postos de Traballo e Promoción Profesional dos Funcionarios Civís da Administración Xeral do Estado, aprobado polo Real Decreto 364/1995, de 10 de marzo, as BASES XERAIS E ESPECÍFICAS DOS PROCESOS SELECTIVOS DE ESTABILIZACIÓN, e o artigo 21.1 da Lei 7/1985, de 2 de abril, de Bases de Réxime Local,. 

Actuación de rehabilitación de tres lavadoiros nas aldeas de Pazos, Cimadevila e Grou, no concello de Lobios (Ourense).

• Ao abeiro da Orde do 21 de decembro de 2021 pola que se establecen as bases reguladoras e a convocatoria para o ano 2022 das axudas a investimentos non produtivos vinculadas á realización de obxectivos agroambientais e climáticos no ámbito dos parques naturais de Galicia, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020 (DOG nº 8 do 13 de xaneiro de 2022), o concello de Lobios realizou a obra de “Rehabilitación de tres lavadoiros, no concello de Lobios (Ourense)”. Estas actuacións realizáronse nos pobos de Cimadevila e Pazos en Lobios e no Cruceiro de Grou.

(20.03.2023) Intervención en A CELA
 

• Imaxes das recentemente realizadas, obras de humanización e mellora da accesibilidade no núcleo de A CELA.
• Unha actuación que pon en valor e potencia os recursos desta senlleira localidade, especialmente recoñecida polos bolos graníticos integrados nas propias construcións da aldea.
• Esta intervención forma parte dun proxecto integral, que afecta a elementos urbanisticos,  ademais de medioambientais e turísticos, a desenvolver en distintas fases.

(06.03.2023) Paneis informativos

• Nas distintas parroquias do noso concello, instaláronse paneis informativos, para que servan de soporte á  bandos, avisos e cartelería  que poida ser de interese para os veciños.
• Un lugar onde ter concentrada a información, aunando a estética e funcionalidade.

(01.03.2023) Inaugurada a CASA do MAIOR de Lobios

• Lobios conta xa cunha CASA do MAIOR, ubicada na Finca Tejada, na capitalidade do municipio, destinada a persoas maiores de 60 anos, sen dependencia ou en situación de dependencia de grao I e II.

• A CASA do MAIOR de Lobios, ofrece unha atención diurna integral na que prima o acompañamento dos usuarios, ademais de realizar actividades de envellecemento activo, adestramento cognitivo, coidado persoal, entre outras.

(14.02.2023) Novas liñas de colaboración coa Deputación de Ourense

• Entre os novos proxectos de colaboración coa Deputación de Ourense están a dotación de céspede artificial e unha nova bancada no campo de fútbol de Lobios.
• A maiores, no último encontro que mantivo a nosa rexedora co presidente do organismo provincial, Manuel Baltar,  trasladou o compromiso de colaborar na renovación de infraestruturas viarias, coa redacción do proxecto de mellora do último tramo da estrada OU-1206 (Lobios-A Vila), ademais do acondicionamento de camiños municipais.

(27.12.2022) O roteiro da Corga da Fecha, máis accesible. 

• Un tramo do sendeiro cara a Corga da Fecha adaptarase para facelo máis accesible a persoas con diversidade funcional e que así podan gozar da beleza deste singular paraxe do Xurés,
  A intervención,  prevista para o próximo ano pola Consellería de Medio Ambiente da Xunta de Galicia , consistirá en realizar 'as  modificacións necesarias para converter o sendeiro existente nun itinerario accesible que garanta o uso e a circulación non discriminatoria, de forma autónoma e nas mellores condicións de comodidade e seguridade posibles'.
• Na imaxe, a conselleira de Medio Ambiente, Territorio e Vivenda, Ángeles Vázquez, e a nosa alcaldesa, Mari Carmen Yáñez, no encontro que tiveron hai uns meses para abordar os  proxectos de mellora dos equipamentos e a conservación do patrimonio.

(16.12.2022) Xornadas para dar a coñecer o traballo da administración no desenvolvemento local

• Mari Carmen Yáñez, alcaldesa de Lobios, acudiu no Balneario de Cortegada, xunto con representantes doutros seis concellos da provincia e de empresas privadas á primeira sesión dun ciclo de xornadas  organizadas pola Deputación de Ourense, para abordar a contribución do termalismo ás economías locais e a  mobilidade en territorios rurais e maila conexión destas zonas co AVE