(05.12.2023) Susana Seivane elixe Lobios para o seu  último traballo audiovisual

• A popular gaiteira galega, Susana Seivane, culminou a gravación do seu máis recente videoclip, "NON É NON", no senlleiro pobo de Aceredo.
• O videoclip foi dirixido polo actor e director Rubén Riós a través da súa produtora Claqueta Coqueta.
• O diñeiro recadado durante o primeiro ano de visualizacións será destinado apoiar a unha organización adedicada a mulleres vítimas de violencia de xénero.

(25.11.2023) Lobios contará cun novo médico de familia.

• O xerente da área sanitaria de Ourense, Félix Rubial, e o delegado territorial da Xunta de Galicia, Gabriel Alén, mantiveron, no día de onte, unha reunión, coa nosa rexedora, Mari Carmen Yáñez, para trasladarlle que Lobios contará próximamente cun novo médico de familia asignado ao Centro de Saúde do noso concello.
   
• No encontro, tamén analizaron a intervención realizada no centro de saúde, colaborada polo noso concello e a Consellería de Sanidade, que permitiu a mellora da climatización, coa instalación de bombas de calor e estores aillantes térmicos, para manter unha temperatura óptima no interior das instalacións.

(24.11.2023) Mesa Local de Coordinación Interinstitucional contra a Violencia de Xénero

• A Mesa Local de Coordinación Interinstitucional contra a Violencia de Xénero, é un encontro de  diversas instancias do ámbito municipal, educativo, social, de seguridade...  para a análise, definición, coordinación, seguimento e avaliación de estratexias e liñas de acción no tocante á loita contra as violencias machistas.
• No día de hoxe, celebrouse no noso concello, a primeira mesa local,  que contou coa participación da educadora social, o director e a orientadora do CEIP O Xurés, o cabo do posto da Garda Civil de Lobios e un membro dese mesmo organismo, integrante do equipo de violencia de xénero da compañía de Celanova.
• O vindeiro 30 de novembro, é a data establecida para a segunda mesa para dar continuidade a este proxecto de coordinación institucional.

(20.11.2023)Aprendendo ao redor do  Camiño San Rosendo - Rainha Santa

• O pasado sábado, no Multiusos de Lobios, o investigador Manuel Rivero, ofreceu unha charla sobre sobre o Camiño San Rosendo - Rainha Santa.
• Un evento para divulgar e poñer en valor este milenario percorrido de peregrinacion portugués que entra en Ourense por Portela de Home, a través dos  concellos de Lobios, Muíños, Bande, Lobeira, Verea, Celanova, A Merca e San Cibrao, enlazando coa  Vía da Prata para chegar a Compostela.

(17.112023) ESCOLA DE EMPODERAMENTO DO XURES 2023, programa financiado coa axuda da Unión Europea

• Rematou una nova edición da ESCOLA DE EMPODERAMENTO DO XURES 2023, unha programa de promoción da igualdade e de prevención da violencia de xénero  subvencionado con 6534 € pola Consellería de Promoción do Emprego e Igualdade da Xunta de Galicia no marco das axudas para ás entidades locais da Comunidade Autónoma de Galicia, cofinanciadas parcialmente polo Fondo Social Europeo Plus (FSE+) no marco do Programa FSE+ Galicia 2021-2027

(17.11.2023) Adquisión dunha miniescavadora para a prestación de servizos municipais

• Ao abeiro da Orde da Vicepresidencia Primeira e Consellería de Presidencia, Xustiza e Deportes do 9 de febreiro de 2023 pola que se establecen os criterios e o procedemento para a distribucióndo fondo adicional ao Fondo de Cooperación Local destinado aos concellos de Galicia con poboación inferior a 15.000 habitante, previsto no artigo 59.catro da Lei de orzamentos xerais de Comunidade Autónoma de Galicia para o ano 2023 (código de procedemento PR486B) publicada no DOG nº 34, do 17 de febreiro de 2023, o concello de Lobios adquiriu unha miniescavadora equipada con martelo hidráulico e pinza hidráulica, coa finalidade de realizar diferentes actividades, como limpeza viaria, recuperación e mantemento de paseos, xardíns e vías públicas de titularidade municipal e, actividades ambientais e de mantemento de espazos de interese ambiental.

(07.11.2023) Mesa intersectorialde ESTRATEXIA DE PROMOCIÓN DA SÁUDE E DE PREVENCION NON SISTEMA NACIONAL DE SAUDE.

• No pleno do dia 27 de outubro,  o Concello de Lobios,  aprobou a súa adhesión á estratexia de promoción da saúde e a prevención no Sistema Nacional de Saúde.
• O que se  propón, é o desenvolvemento progresivo de intervencións dirixidas a promocionar a saúde, previr as enfermidades, as lesións e a discapacidade, actuando de maneira integral durante todo o curso da vida sobre factores como a actividade fisica, a alimentación, o tabaco, o alcol  e o benestar emocional.

(06.11.2023) Humanización do pobo de Bouzas

• Realizadas obras de humanización no pobo de Bouzas, que facilitan a súa accesibilidade e  harmonización das zonas comúns.
• Unha intervención na que se tamén habilitou un "balcón turístico" que permite  gozar da beleza de vistas privilexiadas, como as dos soutos centenario de castiñeiros de San Paio, Bouzas e Briñidelo.
• A humanización do pobo de Bouzas súmase a un  proxecto global, de mellora  elementos urbanisticos,  medioambientais e turísticos,  que estamos a  desenvolver en distintas fases e en distintas localidades do noso municipio.

(13.10.2023) Visita institucional Xunta de Galicia

• Hoxe, no noso concello, recibimos a Natalia Prieto (Directora Xeral de Administración Local), Gabriel Alén (Delegado Territorial en Ourense) e Diego Calvo, vicepresidente primeiro e conselleiro de Presidencia, Xustiza e Deportes.

• Foron recibidos pola  nosa rexedora, Mari Carmen Yáñez, quen lles  plantexou iniciativas de mellora en instalacións e servizos municipais, para as que se solicita a colaboración da Xunta de Galicia, dentro do seu programa de apoio a institución locais.
   

(13.10.2023) Pozo da Seima, resaltando a contorna natural e a súa historia

• O Pozo da Seima, un espazo que atesoura a beleza do noso patrimonio natural e cultural, é máis accesible tras o proxecto de mellora e sinalización do seu roteiro, para que todos podamos gozar deste marabilloso recuncho da natureza.
• Os camiños que levan a esta singular paraxe, despexáronse de maleza e sinalizáronse. Iso, unido á incorporación de novas escaleiras e pasarelas, facilita a travesía que culmina cun miradoiro que descobre a espectacularidade do Pozo da Seima e da súa contorna.

(11.10.2023) Recoñecemento anual dos límites fronteirizos con Terras de Bouro 

• Mari Carmen Yáñez, alcaldesa do noso concello, e Manuel Tibo rexedor do Município de Terras de Bouro asinaron, na casa consistorial da entidade lusa,  a acta de confirmación de  recoñecemento anual dos límites fronteirizos.

• Un acto protocolario que ademais, de servir encontro periódico,  afianza a relación iniciada, por  ámbolos dous concellos, no Tratado de Límites de Fronteira, datado o 29 de setembro de 1864.
   

(22.09.2023) AULA MADRUGA e AULA DE TARDE: Actividades de conciliación curso 2023/2024

• O Concello de Lobios, pon en marcha para o curso 2023-2024, os programas de conciliación "AULA MADRUGA" e "AULA DE TARDE", no CEIP do Xurés
• A "AULA MADRUGA" estará dispoñible de 8:00 a 10:00 h, con acollida e actividades de xogo libre.
• A "AULA DE TARDE" estará habilitada de 16:00 a 18:00 h, con actividades de xogo, apoio escolar e lectura.

(21.09.2023) Lobios acollerá o II Seminario Internacional de Educación Social  e a II Convivencia Interuniversitaria e Profesional

• Do 29 de setembro ao 1 de outubro, Lobios será a sede do II Seminario Internacional de Educación Social e a II Convivencia Interuniversitaria e Profesional
• Uns eventos que reunirán no noso concello,  a profesionais, alumnado e profesorado de institucións académicas de Galicia, Asturias, País Vasco e Portugal, vinculadas coa Educación Social para dar  visibilidade a esta profesión.
• Ademais das sesións propias do seminario, os asistentes poderán gozar de   actividades ao aire libre coñecendo a cultura, etnografía e lugares de interese da nosa contorna.

(12.09.2023) A Xunta de Galicia e o Concello de Lobios unimos forzas contra os incendios forestais.

• Mari Carmen Yáñez, a nosa rexedora, foi recibida esta mañá  en San Caetano, Xunta de Galicia ,    polo  conselleiro do Medio Rural,  José González  e o  director xeral de Defensa do Monte, Manuel Rodríguez.

(11.09.2023) Fonte de A Vila remozada

• A fronte de A Vila loce remozada, tras as  tarefas de remodelación realizadas nas últimas datas.
• Unha intervención máis,  que suma un novo proxecto realizado,  ao obxectivo que ten este concello de
  ▪ conservar o patrimonio,
  ▪ mellorar a funcionalidade e servizo
  ▪ embelecer a contorna
  ▪ fomentar puntos de encontro veciñal.